अत्तरिया : कैलालीको गोदावरी नगरपालिकास्थित अत्तरिया बजारमा रहेको एक पसलभित्रै ट्रक छिरेको छ। बिहीवार दिउँसो न६ख ४६१९ नम्बरको ट्रक पसलभित्र छिरेको प्रदेश ट्राफिक कार्यालय अत्तरियाले जनाएको छ।
विष्णु आयल निगममा डिजेल हाल्न गएको ट्रक सोही पसलमा छिरेको प्रहरीले बताएको छ। प्रहरीका अनुसार ट्रक चालक नरेन्द्र भट्टले मादक पदार्थ सेवन गरेकाले सो दुर्घटना भएको थियो। दुर्घटनामा कुनै मानविय क्षति नभएको प्रदेश ट्राफिक कार्यालयले जानकारी दिएको छ। चालक र ट्रक इलाका प्रहरी कार्यालय मालाखेतीको नियन्त्रणमा रहेका छन्।
