अत्तरिया, २६ पुस : कैलालीको धनगढी उपमहानगरपालिका–२ सन्तोषीटोलका ओमजंग सिंहले छोरीको जन्मदिनमा वृक्षारोपण गरेका छन् । तेक्वान्दो खेलाडी समेत रहेका सिंह र जनक पाण्डेयले धनगढीको ट्राफिक चौराहमा विरुवा रोपेका हुन् । मोहना अत्तरिया सडक अन्तर्गत ट्राफिक चौराहमा विरुवा रोपेका हुन् । ‘छोरी काव्याको चौथो जन्मदिन परेको हुँदा सार्वजनिक ठाउँमा विरुवा रोपेका हो’, उनले भने । ‘यसको संरक्षण गर्ने दायत्व राज्यको रहेको बताए ।
सिंहले विरुवा हुर्काउनका लागि स्थानीय सरकारले चासो दिनुपर्ने बताए । ‘६ लेन सडक निर्माण सम्पन्न हुन लागेको छ ।’, उलने भने । ‘तर बोट विरुवा रोप्ने कुनै तयारी भएको छैन् ।’ उनले राज्यले सहयोग रहेमा आफु पुरै सडकमा विरुवा रोपी दिने बताए । खेलप्रति रुचि भएका सिंह पछिल्लो समय सामाविक क्षेत्रमा सक्रिय हुन थालेका छन् । सिंहले नमुनाका रुपमा दुई वटा विरुवा रोपेका हुन् ।
