धनगढी : ट्याक्टरमा बालुवाभित्र लुकाइछिपाई ओसारपसार गर्दै गरेको अवस्थामा प्रहरीले सालको कडी बरामद गरेको छ। कैलालीको गोदावरी नगरपालिका–७, गौडीस्थित भित्री सडकखण्डमा पश्चिमबाट पूर्वतर्फ जाँदै गरेको से१त ८८६७ नम्बरको ट्याक्टरमा बालुवाभित्र लुकाइछिपाई लैजाँदै गरेको अवस्थामा ५५ थान सालको कडी बरामद भएको जिल्ला प्रहरी कार्यालय कैलालीले जनाएको छ।
चालक गोदावरी नगरपालिका–७, तेकुल्लाका ३६ वर्षीय हर्क कुमाल र कडीसहित बरामद गरिएको ट्याक्टर नियन्त्रणमा लिएर आवश्यक कारबाहीका लागि इलाका प्रहरी कार्यालय मालाखेतीले सवडिभिजन वन कार्यालय अत्तरियालाई बुझाइएको बताइएको छ। अस्थायी प्रहरी पोस्ट श्रीपुरले चेकजाँच गर्दा बालुकाभित्र लुकाइछिपाई राखेको सालको कडी बरामद गरेको हो।
