अत्तरिया : कैलालीमा होटेलभित्रै एक पुरुष मृत अवस्थामा फेला परेका छन् । जिल्लाको गौरीगंगा नगरपालिका ४ राजीपुरमा रहेको गहतेगडा होटेलमा एक पुरुष मृत अवस्थामा फेला परेका हुन् ।
घोडाघोडी नगरपालिका १ का अन्दाजी ३५ वर्षीय साधन डान मृत भेटिएको जिल्ला प्रहरी कार्यालय कैलालीले जनाएको छ । कार्यालयका प्रवक्ता प्रहरी नायब उपरीक्षक वेदप्रकाश जोशीका अनुसार डान यही माघ ३ गतेदेखि उक्त होटेलमा बस्दै आएका थिए ।
शनिबार उनी ओछ्यानमै घोप्टिएको अवस्थामा मृत भेटिएको प्रवक्ता जोशीले बताए । मृत्युको कारण भने खुल्न नसकेको र अनुसन्धान भइरहेको बताइएको छ ।
