अत्तरिया : कैलालीको चुरेमा रहेको एक बाख्रा फर्ममा आगलागि हुँदा लाखौको क्षति भएको छ। चुरे गाउँपालिका वडा नम्बर १ सायलको नक्कुमा रहेको भगवती बाख्रा फर्ममा मंगलबार राति आगो लागेको हो। आगलागीबाट परशुराम सापकोटाको बाख्रा फर्ममा रहेका २४ वटा खशी–बोका मरेका छन्। ६ वटा खशी–बोका तथा बाख्रा घाइते छन्।
जिल्ला प्रहरी कार्यालय कैलालीका प्रवक्ता वेदप्रकाश जोशीका अनुसार बाख्रा फर्ममा रहेको कच्चि घरमा भान्साबाट आगो सल्किएको हो । सापकोटाले झण्डै ३० लाखको क्षति भएको बताईएको छ । सञ्चालक सापकोटाका अनुसार खशी–बोका र बाख्रासँगै नगद, लत्ताकपडा पनि जलेक छन ।
