अत्तरिया : कैलालीमा श्रीमतीले आफ्नै श्रीमानको हत्या गरेकी छन् । जिल्लाको मोहन्याल गाउपालिका वडा नम्बर १ ,स्थित राक्सामा घर भएकी चुमा कुमारी थापा बुढामगरले ४३ वर्षीया नारायण बुढा मगरको हत्या गरेकी हुन् । चुमा कुमारी थापा बुढामगरले आइतबार राति धारिलो हतियारको प्रयोग गरेर श्रीमानको हत्या गरेको स्विकार्दै ईलाका प्रहरी कार्यालय पडौनमा जानकारी गराएकी छिन् ।
जिल्ला प्रहरी कार्यालय कैलालीका प्रहरी प्रमुख एविश्व अधिकारीका अनुसार हत्या गरेको स्वीकार गर्दै बोरामा टाउको ल्याएर इलाका प्रहरी कार्यालयमा आएपछि अनुसन्धान प्रक्रिया अगाडि बढेको छ ।
मृतक नारायण बुढा मगरको टाउको र शरीर अलग पारिएको अवस्थामा भेटिएको प्रहरीले जानकारी दिएको छ । मृतकको मुचुल्का उठाउन र दोषीलाई पक्राउ गर्न जिल्ला प्रहरी कार्यालयबाट घटनास्थलमा प्रहरी टोली खटाइएको अधिकारीले जानकारी दिए ।
