अत्तरिया : सुदूरपश्चिम प्रदेश सभाको ठूलो दल नेपाली कांग्रेसले बिना सहमति प्रदेश सभा बैठक स्थगित भएपछि आपत्ति जनाएको छ । कांग्रेस संसदीय दलका नेता कमलबहादुर शाहले कांग्रेससंग सहमति नै नगरेर बिना जानकारी सभामुख ले बैठक सारेको भन्दै आपत्ति जनाए ।
आज आफूले विश्वासको मत नआउने अवस्था आएपछि मुख्यमन्त्री राजेन्द्र रावलको निर्देशनमा सभामुखले बैठक स्थगित गरेको उनको आरोप छ । ‘बैठक सारिनुमा हाम्रो घोर आपत्ति छ,’ उनले भने, ‘विश्वासको मत नपाइने अवस्था भएपछि यो सबै गरिएको हो ।’
नेता शाहले बैठक भोलि (बिहीबार) १ बजेका लागि बोलाइएकाले उनीहरुकै प्रस्तुतीका आधारमा कांग्रेस अगाडि बढ्ने बताए । ‘ प्रदेश सभा बैठक भोलि फेरि बोलाइएको छ,’ उनले भने, ‘अब भोलि कसरी अगाडि बढ्ने भन्ने कुरा उनीहरुको प्रस्तुतीमा भर पर्छ ।’