डडेल्धुरा : परशुराम नगरपालिका डडेल्धुराका मेयर भरत जोशीले जाजरकोट भूकम्पका पीडितलाई व्यक्तिगत एक लाख रुपैयाँ सहयोग गर्ने घोषणा गरेका छन् । भूकम्पपछिको राहत तथा उद्दार कार्य सुरु भएको बेला मेयर जोशीले यस्तो घोषणा गरेका हुन् ।
सामाजिक सञ्जाल फेसबुकमार्फत् शनिबार प्रतिवद्धता व्यक्त गर्दै उनले उक्त सुविधा आफूले पाउने तलब, सुविधा तथा व्यक्तिगत खर्च कटौती गरी उपलब्ध गराउने उल्लेख गरेका छन् ।
