बझाङ : बझाङमा पुलबाट हाम फालेकी युवतीको उद्धार गरिएको छ । आज (बुधबार) दिउँसो बझाङको जयपृथ्वी नगरपालिका वडा नम्बर ११ मा रहेको पानकोट पुलबाट हाम फालेर युवती घाइते भएकी हुन ।
जयपृथ्वी नगरपालिका ११ घर भएकी ति युवतीको पहिचान खुल्न बाँकी रहेको र उनले पुलबाट हाम फालेकी हुन् वा के भएको हो भन्ने पनि नखुलेको जिल्ला प्रहरी कार्यालय बझाङले जनाएको छ। स्थानीयले नदीबाट युवतीको उद्दार गरेका थिए । उनको जयपृथ्वी अस्पतालमा उपचार भइरहेको प्रहरीले जनाएको छ।
