अत्तरिया, १७ असार : कैलालीको गोदावरी नगरपालिका अत्तरियामा रहेको सत्यवती एकेडेमीले एसईईमा उत्कृष्ट नतिजा ल्याउने आफ्ना विद्यार्थीहरुलाई सम्मान गरेको छ सोमबार एक कार्यक्रमको आयोजना गरि विद्यालयले सम्मान गरेको हो ।
उनीहरुलाई विद्यालयका प्रमुख वीरबहादुर कडायतले फुलमाला अविर लगाएर सम्मान गरेका हुन । यस्तै उनीहरुलाई विद्यालय परिक्रमा समेत गराइएको थियो । सो अवसरमा प्रमुख कडायतले एसईई पास भएका विद्यार्थीहरुलाई आगामी सफलताको शुभकामना समेत दिए । यस्तै उनले आगामी दिनमा पनि मिहिनत अनुशासनमा रहन विद्यार्थीहरुलाई सुझाव दिए । कार्यक्रममा ४ जिपिए ल्याउने विद्यार्थी निर्मल ठगुन्नाले सम्मानको लागि विद्यालय परिवारलाई धन्यवाद दिए । उनले विद्यालयका शिकेका र आफ्नो मिहेनतले आफुलाई सफलता हात लागेको बताए । सत्यवती एकेडेमी यस क्षेत्रको स्थापित निजि शैक्षिक संस्था हो । विद्यालयले पढाईको अतितिक्त अन्य क्रियाकलापमा पनि विद्यार्थीहरुलाई सहभागी गराउँदै आएको छ ।
