अत्तरिया : कञ्चनपुरको पुनर्वास नगरपालिकामा तालमा डुबेर दुई किशोरीको मृत्यु भएको छ । जिल्लाको पुनर्वास–५ को रातोखोले तालमा डुबेर १५ वर्षीया लक्ष्मी बोगटी र १६ वर्षीया सृजना बोगटीको मृत्यु भएको जिल्ला प्रहरी कार्यालय कञ्चनपुरका डिएसपी उमेश जोशीले जानकारी दिए ।
डुबेर बेपत्ता भएको आरती बोगटी अझै फेला परेकी छैनन् । उनको खोजीकार्य जारी रहेको प्रहरीले जनाएको छ । उनीहरु तिनैजना सोमबार दिउँसो तालमा पौडी खेल्न गएका थिए। १२ वर्षकी अञ्जली बोगटी पनि सँगै पौडी खेल्न गएको थिइन् । तर उनी पौडी नखोलेरै फिर्ता आएको र उनले तीन जनालाई खोलाले बगाएको बताएपछि प्रहरीले उनीहरुको खोजी सुरु गरेको थियो ।
