धनगढी : कैलालीको कैलारी गाउँपालिका–७ रामपुरकी ३७ वर्षीया रविता कुमारी चौधरी बस दुर्घटनामा परेर २०७५ सालमा घाइते भएकी हुन् । पोखराबाट सवार यात्रु बोकेको बस अनियन्त्रित भई दुर्घटना हुँदा उनी स्पाइनल इन्जुरी (ढाडको हड्डीमा चोट) भई हाल आईसीयूमा उपचाररत रहेको उनका श्रीमान् हरिशंकर चौधरी बताए ।
उनका श्रीमान् हरिशंकर चौधरी निजी विद्यालयमा शिक्षकका रूपमा कार्यरत छन् । विगत नौ वर्षदेखि परिवारको जीविकोपार्जन शिक्षण पेशा र सानो व्यवसायबाट उपचार गर्दै आएका उनीहरूको आर्थिक अवस्था कमजोर रहेको छ ।
दुर्घटनापछि चिकित्सकले लामो समयसम्म निरन्तर औषधि तथा विशेष उपचार आवश्यक पर्ने बताएका छन् । तर उपचार खर्च धान्न नसक्ने अवस्थामा पुगेपछि परिवारले सहयोगको अपिल गरेको छ ।
उनकी ११ वर्षीया एक सन्तान सहित ३ जनाको परिवारले उपचारका लागि आवश्यक आर्थिक सहयोग जुटाउन कठिनाइ भोगिरहेको जनाएको छ । हाल उनी सेती प्रादेशिक अस्पतालमा उपचाररत छिन् । पीडित परिवारले सम्पूर्ण सहयोगी मन, सामाजिक संघसंस्था, सञ्चारकर्मी तथा सरोकारवालासँग आर्थिक सहयोगका लागि हार्दिक अनुरोध गरेका छन् ।
