अत्तरिया, २२ माघ : नेकपा एमाले गोदावरी नगरपालिका वडा नम्बर ४ को पार्टी कार्यालय उद्घाटन गरिएको छ । शनिबार पार्टीका प्रदेश सदस्य तथा गोदावरी नगरपालिका मेयर हरिसिंह साउँद र नगर अध्यक्ष गोकर्ण भट्टले संयुक्त रुपमा उद्घाटन गरेका हुन् । पार्टी कार्यालय उद्घाटन कार्यक्रम वडा नं. ४ का अध्यक्ष रबिन्द्र रोकामगरको अध्यक्षतामा भएको हो ।
कार्यक्रममा पार्टीको प्रदेश कमिटि सदस्यहरु मदन शर्मा, राम थापा, चक्र बोहरा लगायत जिल्ला कमिटिका सदस्यहरु, नगर पधाधिकारी तथा सदस्यहरु, वडा नं. ६ अध्यक्ष सन्तोष सिंह, राष्ट्रिय युवा संघ नेपालका उपसचिव नवराज आचार्य लगायतको सहभागिता रहेको थियो । एमाले गोदावरीले स्थानीय तहको निर्वाचनलाई लक्षित गदैँ वडामा पार्टी कार्यालयहरु खोल्ने क्रम तिब्र पारेको छ ।
