काठमाडौँ : आईसीसी पुरुष टी–२० विश्वकप छनोटअन्तर्गत सेमिफाइनलमा युएईले नेपाललाई १७६ रनको लक्ष्य दिएको छ। ओमानको अल अमेरात क्रिकेट मैदानमा टस जितेर पहिले व्याटिङ गरेको युएईले निर्धारित २० ओभरमा ७ विकेटको क्षतिमा १७५ रन बनाएको हो।
युएईका लागि महम्मद वासिमले सर्वाधिक ७० रन बनाए। यस्तै विर्त्या अरबिन्दले ४६, महम्मद उस्मानले १७ र जवार फरिदले ११ रन बनाए।
बलिङतर्फ नेपालका जितेन्द्र मुखिया र अविनाश बोहोराले तीन–तीन तथा कप्तान सन्दीप लामिछानेले एक विकेट लिए। आजको खेलमा विजयी हुने टोली यसैवर्ष अष्ट्रेलियामा हुने टी–२० विश्वकपका लागि छनौट हुनेछ।
