अत्तरिया : नेपाली कांग्रेस कैलालीको १४औं महाधिवेशनमा डा. शेखर कोइरालाको समूहले जिल्ला सभापति सहित सबै पदमा प्यानल बनाएको छ ।
जिल्ला सचिव पूर्ण कुँवरका अनुसार रामबहादुर कलेल सभापति रहेको समूह चुनावी मैदानमा उत्रिने भएको छ । काँग्रेसले आज शनिबार) १४ गते उम्मेदवारी दर्ता गर्ने भएको छ भने भोलि निर्वाचन हुँदै छ ।
यस्तै उपसभापति यज्ञनिधि कोइराला, अर्को उपसभापति लोकराज पाण्डेय आगो, सचिवमा देवानन्द जैसी (सुवेदी),अर्को सचिवमा नवराज जोशी, सहसचिव रबिन्द्रप्रताप सिह, अर्को सहसचिव तिर्थराज जोशीले उम्मेदवारी दिने भएका छन् ।
