अत्तरिया : आसन्न बैशाख ३० मा हुने स्थानीय तह निर्वाचनको मिति घोषणा गरेसँगै चुनावी सरगर्मी बढेको छ । निर्वाचन आउन दुई महिना बाँकी हुँदा गाउँदेखि सहरसम्म चुनावी माहोल तात्न थालेको छ । सुदूरपश्चिमको स्थायी राजधानी तोकिएको गोदावरी नगरपालिकालाई अझ विशेषरूपमा हेरिन थालिएको छ । खासगरी, कुन पार्टीले कस्ता व्यक्तिलाई उम्मेदवार बनाउलान् भन्ने कौतुहलता आमरूपमा देखिएको छ ।
अहिले गोदावरी नगरको नेतृत्व गरिरहेको नेकपा एमालेबाट ३ जना मेयरका आकाक्षीं देखिएका छन् । बर्तमान मेयर हरि सिहं साउँद, जिल्ला कमिटि सदस्य गणेश साउँद, २०७४ सालमा माओवादी केन्द्रको तर्फबाट मेयरमा चुनाव लडेका बर्तमान एमाले गोदावरी नगर कमिटि अध्यक्ष गोकर्ण भट्टले मेयरको आकाक्षां देखाएका छन् ।
नेपाली काग्रेंसले भने २०७४ सालको निर्वाचनमा बर्तमान मेयर हरि सिहं साउँदसंग पराजित भएका बिरेन्द्र भट्टलाइनै उम्मेदवार बनाउने तयारी गरेको छ । सामान्यतया अरुले दावी गरेपनि बिरेन्द्र भट्टनै काग्रेंसको उम्मेदवार बन्ने पक्कापक्की भएको काग्रेंसका एक नेताले बताए । भट्टलेपनि स्वभाविक रुपमा आफु मेयरको उम्मेदवार रहने बताए ।
माओवादी केन्द्रलेपनि चुनावलाई केन्द्रित गरेर आफ्ना गरिबिधिहरु बढाएको छ । माओवादी केन्द्रबाट सुदूरपश्चिम प्रदेश कार्यालय सचिव उद्धव भट्टराई, पार्टी गोदावरी नगर अध्यक्ष धर्म सिहं कुँवर र नेता मेघराज भट्टले मेयरका लागी आकाक्षां देखाएका छन् । यस्तै नेकपा एकिकृत समाजवादी पार्टीबाट गोदावरी नगर अध्यक्ष समेत रहेका टेक बिकले मेयरमा दावी गरेका छन् ।
