अत्तरिया, २५ चैत : कैलालीको गोदावरी नगरपालिका अत्तरियामा रहेको लोटस आई अंग्रेजी माध्यमिक विद्यालयले आफ्नो २३ औं बार्षीकोत्सव तथा अभिभावक दिवस एक कार्यक्रमका साथ मनाएको छ ।
वार्षिकोत्सव कार्यक्रमका प्रमुख अतिथि धनगढी स्थिति ऐश्वर्य क्याम्पसका क्याम्पस प्रमुख धर्मदेव भट्ट रहेका थिए । उनले विद्यालयले सुदूरपश्चिममा पुगाएको शैक्षिक योगदानका बारेमा चर्चा गरेका थिए ।
वार्षीकोत्सव कार्यक्रममा विभिन्न सांस्कृतिक कार्यक्रम संगै कमलपुञ्ज स्मारीका विमोचन गरिएको थियो । नर्सरी देखि कक्षा १२ सम्म अध्यापन हुने उक्त विद्यालयमा हाल १ हजार २ सय भन्दा बढी विद्यार्थी अध्ययनरत रहेका छन । वार्षिकोत्सव कार्यक्रममा विद्यार्थी, अभिभावक, शिक्षकहरुको सहभागिता रहेको थियो ।
