अत्तरिया : धनगढीमा प्राध्यापक डाक्टर गोविन्द केसीको अनसनविरुद्ध प्रदर्शन गरिएको छ । चिकित्सा शिक्षा सरोकार संघर्ष समिति नेपालले गेटामा मेडिकल विश्वविद्यालय बनाउने प्रदेशबासीको माग विपरीत केसीले अनसन बसेको भन्दै प्ररदर्शन गरेको हो ।
संघर्ष समितिले डाक्टर केसीविरुद्ध नाराबाजी समेत गरेको छ । चिकित्सा शिक्षा सुधारका अभियान्ता डाक्टर केसी शुक्रबार साँझदेखि धनगढीको लक्ष्मी नारायण मन्दिरको धर्मशालामा अनसन सुरु गरेका छन् । सरकारले विगतमा गरेका सहमती कार्यान्वयन गर्न माग गर्दै अनसन बसेका डाक्टर केसी शुक्रबार साँझ गेटा मेडिकल कलेजमा अनसन बस्न पुगेका थिए ।
तर शहीद दशरथ चन्द राष्ट्रिय स्वास्थ्य विज्ञान विश्वविद्यालय स्थापनार्थ गठीत संघर्ष समितिले अवरोध गरेपछि उनी धनगढी आएर अनसन बसेका थिए ।
