अत्तरिया : कैलालीबाट एकै दिन पाँच जना दोषी पक्राउ परेका छन्। जिल्ला प्रहरी कार्यालय, कैलाली मातहतका प्रहरीहरूले सजाय वा जरिबाना ठहर भएका पाँच जनालाई बिहिवार पक्राउ गरेको जनाएको छ ।
कैलाली प्रहरीले जानकी गाउँपालिका–६ का वन मुद्दाका महेश चौधरी र विनोद चौधरीलाई अदालतमा पेस गरेको छ। उनीहरू वन मुद्दाका दोषी हुन। उनीहरूलाई समान ६ हजार नौ सय ६२ रुपैयाँ २६ पैसा जरिबाना अदालतले तोकेको थियो। चोरी मुद्दामा दोषी ठहर भएका जानकी गाउँपालिका–५ का फत्ते सिंह थारू पक्राउ परेका छन्। उनलाई २ हजार आठ सय रुपैयाँ जरिबाना तोकिएको थियो।
जिल्लाको टीकापुर नगरपालिका–१ का कृष्ण दमाई पनि फक्राउ परेका छन्। वन मुद्दामा दोषी ठहर भएका दमाई बिहिवार पक्राउ परेका हुन्। उनलाई ११ हजार ६ सय ८० रुपैयाँ जरिबाना तोकिएको थियो। धनगढी उपमहानगरपालिका–१७ का डिल्लीराज गिरीसमेत पक्राउ परेका छन्। वन मुद्दामा पाँच दिन कैद सजाय र तीन हजार एक सय ६० रुपैयाँ जरिबाना तोकिएका गिरी पक्राउ परेका हुन्। उनीहरू पाँच जनालाई कैलाली प्रहरीले अदालतमा पेस गरेको छ।
