Agni Offset Press

टीकापुरको एउटा वडालाई चार भागमा विभाजन गर्ने निर्णय

Aarati simant

टीकापुर : टीकापुर नगरपालिकाको १४ औँ नगर सभामा एउटा वडालाई चार भागमा विभाजन गर्ने प्रस्ताव पारित भएको छ । टीकापुर नगरपालिकाका नगर प्रमुख रामलाल डगौरा थारुको अध्यक्षतामा भएको नगर सभामा वडा नं १ लाई चार वटा वडामा विभाजन गर्ने प्रस्ताव वडा नं. १ का वडाध्यक्ष मोहन लुहार बिकले पेस गरेका थिए । सभाबाट वडा नं. १ लाई चार भागमा विभाजन गर्ने निर्णय पारित गरिएको उनले जानकारी दिए ।

४६ हजार ६९८ जनसंख्या रहेको वडा नं। १ लाई चार वडामा विभाजन गर्ने निर्णय आवश्यक भएको बिकले बताए । राष्ट्रिय जनगणना २०६८ अनुसार ९८ हजार जनसंख्या रहेको टीकापुर नगरपालिकाको १ नं. वडामा मात्रै ४६ हजार जनसंख्या रहेको छ । सभाले वडा नं. १ को जमरा पुल पारी क्षेत्रलाई एउटा वडा बनाउने निर्णय गरेको छ । जसको क्षेत्रफल ७.२५ वर्ग किलोमिटर रहेको छ । त्यस्तै, ब्लक नं. ९, १०, ११, १२, १३, १५, १६, २२, २३ र व्यवसाय क्षेत्र अर्को वडा हुनेछ यसको क्षेत्रफल २।५३ वर्ग किलोमिटर क्षेत्र समेटेर अर्को वडा बनाउने निर्णय गरेको हो ।

ब्लक नं ४, ५, ६, ७, ८ ,२४, २५ वनगाउँ र छेगरखैला अर्को वडा हुनेछ । यसको क्षेत्रफल ५.५३ किलोमिटर हुनेछ । यसैगरी ब्लक नं ए, बी, सी, १४, १७, १८, १९, २०, २१ जमरावारी शक्ति नगर र शिव नगरसम्मका शिविर क्षेत्र अर्को वडा बनाइनेछ । यसको क्षेत्रफल ४.७१ किलोमिटर रहेको छ । लामो समयदेखि वडा विभाजन हुनुपर्ने स्थानीयबासीले माग गर्दै आए पनि हुन सकेको थिएन । नगरप्रमुख रामलाल डगौरा थारुले नगरपालिकाको आधा जनसङ्ख्या रहेको १ नं वडाका नागरिकलाई सहजरुपमा सेवा प्रवाह गर्नका लागि वडा विभाजनको निर्णय गरिएको बताए ।

Godawari Janhitma Jari Sandes
सम्बन्धित पाेस्टहरु
प्रतिक्रिया दिनुहोस

Your email address will not be published.