अत्तरिया, १५ भदौ : धनगढीको एसटिएस सिनेमा हलमा धनगढी गाईजात्रा सो हुने भएको छ । भोली (आईतबार) साँझ ५ बजेदेखि ८ बजे सम्म सञ्चालन हुने सो का लागि टिकट मूल्य ५ सय रुपैयाँ तोकिएको छ । उक्त सो मा सुदूरपश्चिम सरकारका प्रमुख व्यक्तिहरु, जनप्रतिनिधि लगायतका व्यक्तिहरूको सहभागिता रहने आयोजक समूहले जनाएको छ ।
गाईजात्रा सोमा राजनीति अस्थिरता, भाषा, कला, संस्कृति, विकृति, विसङ्गती लगायतका विभिन्न समसामयिक विषयवस्तु समेटिएको सरस्वती भट्टले बताइन् । शो को माध्यमबाट दर्शकलाई वर्तमान समाजका विविध पक्षहरूको चित्रण प्रस्तुत गर्ने उद्देश्य रहेको उनले बताइन् ।
पत्रकार सम्मेलन गर्दै आयोजकले उक्त शो को टेलर पनि सार्वजनिक गरिएको थियो । जसमा विविध विषयवस्तुहरूको झलक देखाइएको थियो । गाईजात्रा शो काठमाडौँ लगायतका क्षेत्रमा पहिले देखि नै हुने गरेको भए पनि धनगढीमा पहिलो पटक हुन लागेको हो । यसले समाजका विभिन्न पक्षहरूको चित्रण गर्ने र सकारात्मक सन्देश प्रवाह गर्ने विश्वास गरिएको छ ।
