धनगढी, १२ मंसिर : व्यवस्थापन संकायमा त्रिभुवन विश्वविद्यालयबाट देशभरिमै उत्कृष्ट हुन सफल धरणीधर भट्टलाई बुधबार सम्मान गरिएको छ । कैलाली बहुमुखी क्याम्पस र स्वतन्त्र विद्यार्थी युनियनले उनलाई एक समारोहबिच सम्मान गरेको हो ।
कैलाली बहुमुखी क्याम्पसमा अध्ययनरत भट्टले ब्याचलर अफ बिजनेस म्यानेजमेन्ट (बिबिएम) कार्यक्रममा देशभरिमै उत्कृष्ट हुन सफल भएका थियो । भट्टले औसत ३.९५ जिपिए ल्याएर त्रिभुवन विश्वविद्यालय व्यवस्थापन संकायमा देशभरिमै उत्कृष्ट स्थान हासिल गर्न सफल भएको कैलाली बहुमुखी क्याम्पसका सहायक क्याम्पस प्रमुख डा. लोकबहादुर विष्टले जानकारी दिए ।
उनका अनुसार भट्टले पहिलो सेमेस्टरमा ३.८८, दोस्रोमा ३.९६, तेस्रोमा ३.९८, चौथोमा ३.९९, पाँचौंमा ३.९४, छैटौंमा ३.९६, सातौंमा ३.८९ र आठौं सेमेस्टरमा ३.९८ जिपिए प्राप्त गरेको थियो ।
