अत्तरिया : एनफाद्वारा मान्यता प्राप्त फुटबल प्रशिक्षक विनोद थापाले लगानीमा खाली मैदानलाई खेल मैदानको रूपमा विकास गर्दै फुटबल प्रशिक्षण सञ्चालन गरिरहेका छन्।
मैदानको सदुपयोग गर्दै युवाहरूलाई खेलप्रति आकर्षित गर्ने उद्देश्यले उनले नियमित प्रशिक्षण कार्यक्रम सञ्चालन गरिरहेका हुन्। हाल उक्त मैदानमा गोदावरी नगरपालिका भित्रका करिब ४० भन्दा बढी युवा खेलाडीहरूले फुटबल प्रशिक्षण लिइरहेका छन्।