अत्तरिया : कैलालीको लम्कीचुहा नगरपालिका–६ गुलरामा बुधबार साँझ भएको सवारी दुर्घटनामा एक जनाको मृत्यु भएको छ । दुर्घटनामा एक जना घाइते भएका छन् ।
पूर्वबाट पश्चिमतर्फ जाँदै गरेको से ४ प ६० २१ नम्बरको मोटरसाइकलले हिजो बेलुकी ७ बजे पैदलयात्रीलाई ठक्कर दिएर बिपरित दिशाबाट आउदै गरेको रा १ क ११३० नम्बरको क्रेनमा ठोकिएको थियो ।
दुर्घटनामा गम्भीर घाइते भएका मोटरसाइकल चालक बेलौरी नगरपालिका–५ का ३६ वर्षीय मेघलाल चौधरीको उपचारको क्रममा लालरत्न अस्पतालमा मृत्यु भएको प्रहरीले जनाएको छ । घाइते भएका पैदलयात्री लम्कीचुहा नगरपालीका–६ का ६२ वर्षीय भवानसिंह भाटको सोही अस्पतालमा उपचार भइरहेको छ । क्रेन चालकलाई ईलाका प्रहरी कार्यालय लम्कीले नियन्त्रणमा लिएको छ ।
