अत्तरिया, २३ पुस : नेपाल निजामती कर्मचारी संगठन गोदावरी नगर इकाई कार्य समिति कैलालीको प्रथम अधिवेशन सम्पन्न भएको छ । अधिवेशनबाट अकेन्द्र बुढाको अध्यक्षतामा ११ सदस्यीय नगर समिति चयन गरेको छ । समितिको उपाध्यक्षमा सुन्तलीकुमारी विश्वकर्मा, सचिवमा पदमबहादुर बोहरा, कोषाध्यक्षमा सजित बास्कोटा रहेका छन् ।
यस्तै गरी सदस्यहरुमा पद्मा शर्मा, लोकबहादुर कुँवर, महेश पाण्डे, अनिता विक, सहदेव भट्ट, रघुनाथ जोशी लगायत रहेका छन् । कार्यक्रमका प्रमुख अतिथि नेपाल निजामती कर्मचारी संगठनका केन्द्रिय उपाध्यक्ष रामचन्द्र जोशी रहेका थिए । बुधबार सुरु भएको प्रथम नगर अधिवेशनको गोदावरीका मेयर हरिसिंह साउँदले उद्घाटन गरेका थिए ।
