अत्तरिया : एमाले कैलालीको नेतृत्वको लागि मतदान सुरु भएको छ । सोमबार विहान बाट मतदान सुरु भएको हो । अध्यक्ष लगायत पदाधिकारीमा सहमती नभएपछि निर्वाचन भएको हो । धनगढीस्थित ऋद्धिसिद्धी पार्टी प्यालेसमा मतदान शुरु भएको निर्वाचन समितिले जनाएको छ । मतदान दिउँसो १ बजेसम्म मतदान चल्ने जनाएको छ ।
अध्यक्षमा वर्तमान अध्यक्ष रतन थापा र उपाध्यक्ष रणबहादुर चन्द प्यानल सहित को उम्मेदवारी छ । उपाध्यक्षमा दुर्गा जोशी र सिताराम बुढाथोकीको उम्मेदवारी परेको छ ।
सचिवमा दानबहादुर बिक र डेजी पाण्डेको उम्मेदवारी छ । उपसचिबमा मदन ओझा प्रेम चौधरी ममता चौधरी लोकेन्द्र साही र बिनय शाहको उम्मेदवारी परेको छ । सदस्यहरुको केही क्षेत्रमा भनेआईतबार नै निर्विरोध भइसकेको छ । कैलालीमा ६०६ जना प्रतिनिधिले मतदान गर्नेछन् ।
यसअघि आइतबार बिहान ८ बजेका लागि तोकिएको मतदान निर्वाचन समितिले प्राविधिक कारणले भन्दै दिउँसोसम्म सारेको थियो । तर। साँझसम्म मतदान प्रक्रिया शुुरु हुन सकेको थिएन । मतदानमा ढिलाइ भएको भन्दै प्रतिनिधिहरु आक्रोशित भएपछि महाधिवेशन स्थलमा तनाव सिर्जना भएको थियो । दुई पक्षबीचको विवादका कारण निर्वाचन समितिले सोमबारसम्मका लागि निर्वाचन प्रक्रिया स्थगीत गरेको थियो ।
