अत्तरिया : जिल्ला अस्पताल डोटीमा कार्यरत एक कार्यालय सहयोगी मृत अवस्थामा फेला परेका छन् । दिपायल सिलगढी नगरपालिका वडा नम्बर ७ उडीतोला घर भएका ४५ वर्षीय भक्त कोली मृत फेला परेको जिल्ला अस्पताल डोटीका सूचना अधिकारी अमर भाटले जानकारी दिए ।
अक्सर मदिरा सेवन गरिरहने कोली मुख्य सडकबाट जिल्ला अस्पताल जाने बाटोको चोकमा शुक्रबार बिहान मृत फेला परेको भाटले बताए । विहीबार बेलुकी सडकमै सुतेका कोलीको चिसोले कठ्याङ्ग्रीएर मृत्यु भएको हुनसक्ने अनुमान गरिएको छ ।
जिल्ला अस्पतालमा सव पोस्टमार्टम गर्दा उनले चिरफार गर्ने काम गर्दै आएका थिए । उनको शवको जिल्ला अस्पतालमै अहिले पोस्टमार्टम भइरहेको र आजै परिवारको जिम्मा लगाई अन्त्यष्टी गरिने जनाइएको छ ।
