अत्तरिया : कैलालीको भजनीमा विवाहमा भएको कुटपिटबाट एक युवकको मृत्यु भएको छ। वडा नम्बर ९ स्थित विवाहमा भएको झगडामा सोही ठाउँ बस्ने २५ वर्षीय बसन्त चौधरीको आइतबार राति मृत्यु भएको हो।
प्रहरीका अनुसार विवाहमा बसन्तसहित सोही ठाउँ बस्ने २० वर्षीय दिनेश बिष्ट, गणेश सिंह, २५ वर्षीय लक्ष्मण बराल, २३ वर्षीय किशन बडैला, २३ वर्षीय प्रदिप कार्की, २५ वर्षीय दिपक अवस्थी लगायतका व्यक्तिहरू नाचगान गर्ने क्रममा विवाद भएको थियो। विवादपछि उनीहरुबीच झगडा समेत भएको बताइएको छ।
झडपमा कुटपिटबाट गम्भीर घाइते भएका बसन्त चौधरीको घोडाघोडी अस्पताल सुख्खड कैलाली हुँदै मेडिकल कलेर कोहलपुरमा उपचारको क्रममा मृत्यु प्रहरीले जनाएको छ। यस्तै प्रहरीले कुटपिटमा संलग्न ४ जनालाइ नियन्त्रणमा लिएर थप अनुसन्धान थालेको बताएको छ।
