धनगढी : कैलालीमा मोटरसाइकल अनियन्त्रित हुँदा एक जना युवाको मृत्यु भएको छ । जिल्लाको गौरीगंगा नगरपालिका-१ मंगलपुरस्थित पूर्वपश्चिम राजमार्गमा सुपप्र ०१०१० प्र २०७७ नम्बरको मोटरसाइकल दुर्घटना भएको हो।
दुर्घटनामा गम्भीर घाइते भएका चालक गौरीगंगा-८ का साजन विश्वकर्माको मृत्यु भएको जिल्ला प्रहरी कार्यालय कैलालीले जनाएको छ। उपचारका लागि अत्तरियाको पद्मा अस्पताल ल्याइएका उनलाई धनगढी स्थित सेती प्रादेशिक अस्पताल रिफर गरिएकोमा शुक्रबार राति नै उनको मृत्यु भएको कार्यालयका प्रवक्ता प्रहरी नायब उपरीक्षक वेदप्रकाश जोशीले बताए।
