बझाङ : बझाङमा मोटरसाइकल दुर्घटनामा परी पत्रकार सुरेश कुँवरको मृत्यु भएको छ । उनको शुक्रबार दिउँसो साढे २ बजेतिर दुर्घटनामा परेर मृत्यु भएको हो ।
शुक्रबार दिउँसो २ः३० बजे झापाबाट विजगडा आउने क्रममा मोटरसाइकल चिप्लेर कुँवर घाइते भएका थिए । लगत्तै उनलाई उपचारका लागि देउलेक प्राथमिक स्वास्थ्य चौकीमा लैजाने क्रममा बाटोमा नै मृत्यु भएको जिल्ला प्रहरी कार्यालय बझाङका प्रमुख तथा डिएसपी ज्ञानबहादुर विष्टले बताए ।
विजगडामा जाने क्रममा उनी सवार सु.प्र.प.०१.०१०. प ७०९० नम्बरको मोटरसाइकल चिप्लिँदा उनी गम्भीर घाइते भएको र अस्पताल लैजादै गर्दा बाटोमा मृत्यु भएको जिल्ला प्रहरी कार्यालयले जानकारी दिएको छ ।
कुँवरको टाउको, मुख र हातमा चोट लागेको थियो । कुँवर जिल्लामा रहेर मोफसलको पत्रकारिता गर्दै आएका थिए । बुंगल नगरपालिका(५ मिडी घर भएका कुँवर बुंगल नगरपालिकामा रहेको रेडियो सेरोफेरोको बजार व्यवस्थाकसमेत हुन् ।
