अत्तरिया : कैलालीको गोदावरी नगरपालिकाको नव निर्मित भवनको उद्घाटन गरिएको छ । एक कार्यक्रमका बीच नगरपालिकाका नगर प्रमुख हरिसिंह साउँदले उद्घाटन गरेका हुन ।
गोदावरी नगरपालिका–२ तेघरीमा रहेको आफ्नै जग्गामा बनेको भवनको मेयर साउँदले रिबन काटेर भवनको उद्घाटन गरेका हुन् ।
एशियाली विकास बैंकको सहयोगमा क्षेत्रीय सहरी विकास आयोजना कार्यान्वयन इकाई मार्फत भवन निर्माण भएको हो ।
नगरपालिकाको भवन निर्माणका लागि एमरएस शर्मा एण्ड कम्पनी संग ठेक्का सम्झौता भएको थियो । उक्त कम्पनी संग २०७६ साल मंसिर २० गते १० करोड ३८ लाख ६ हजार ८ सय १५ रुपैयाँमा ठेक्का सम्झौता भएको थियो । भवन निर्माण पूर्ण रुपमा हुन भने अझै केही समय लाग्ने भएको छ । उद्घाटन कार्यक्रममा मेयर वडले निर्माण कम्पनीको ढिलासुस्तीका कारण भवन निर्माणमा ढिलाई भएको बताएका छन् । उनले गएको दसैँ अगाडि निर्माण सम्पन्न गर्ने भनिएको भए पनि अहिलेसम्म निर्माण सम्पन्न भएको हो ।
भवन निर्माण सम्पन्न नहुँदै उद्घाटन गरिएको भन्दै काँग्रेसले भने विरोध जनाएको थियो ।
