अत्तरिया : कैलालीमा मोटरसाइकल र स्कुटर ठोक्किँदा तीन जना घाइते घाइते भएका छन् । जिल्लाको गोदावरी नगरपालिका–२ मा महेन्द्रनगरबाट अत्तरिया आइरहेको से ४ प १०५० नम्बरको मोटरसाइकल र विपरीत दिशातर्फ गइरहेको ०१–०२–०५५ प १५३९ नम्बरको स्कुटर ठोक्किएर दुर्घटना भएको हो ।
मोटरसाइकल चालक शुक्लाफाटा नगरपालिका–२ का भुपेन्द्र चन्द, स्कुटर चालक गौरीगंगा नगरपालिका–३ का ३० वर्षीय सरोज नेपाली र पछाडि सवार रहेकी गौरीगंगा–२ की २६ वर्षीया गरिमा धामी घाइते भएका छन् । घाइते मोटरसाइकल चालक चन्दको सेती प्रादेशिक अस्पतालमा र दुई जनाको पदमा अस्पतालमा उपचार भइरहेको प्रहरीले जनाएको छ ।
