अत्तरिया : धनगढीमा रहेको निसर्ग हस्पिटल एण्ड रिसर्च सेन्टरले हिन्दु नेपाली नारीहरुको महान चाँड तीज र अर्को ठूलो महान पर्व ‘बुबाको मुख हेर्ने दिन’लाई लक्षित गरी विशेष हेल्थ प्याकेज घोषणा गरेको छ ।
तीजको अवसरमा सार्वजनिक गरेको हेल्थ प्याकेज भदौ १० गतेदेखि नै कार्यान्वयनमा आइसकेको अस्पतालले जनाएको छ । अन्य समयमा ५ हजार ५ सय ५० पर्ने प्याकेजमा तीजको अवसरमा विशेष सहुलियत सहित ३ हजार ८ सय कायम गरिएको अस्पतालले जनाएको छ ।
अस्पतालका अनुसार यी प्याकेजहरु भदौ ३१ गतेसम्म लिन सकिने छ । महिलाहरुका लागी तीज प्याकेज अन्तर्गत गाइने कन्सल्टेन्ट, ओपिडि, सुगर जाँच, सिविसी, क्रेटिनाइन, टिएसएच, युरिन रुटिङ, प्याप स्मेर, पेटको अल्टासाउण्ड लगायतका जाँच पर्नेछन् । यो प्याकेज भदौ ३१ गतेसम्म लिन सकिने अस्पतालले जनाएको छ ।
यस्तै, निसर्ग हस्पिटलले बुबाको मुख हेर्ने दिनको अवसर पारेर पनि प्याकेजको घोषणा गरेको छ । अरु बेला ५ हजार ४ सय ५० पर्ने प्याकेजलाई औंसीको अवसर पारेर ३ हजार ८ सय कायम गरिएको अस्पतालले जनाएको छ ।
‘फादर्स डे’ प्याकेजमा फिजिसियन कन्सल्टेन्ट, सिबिसि, आरबिएस, आरएफटि, टिएफटि, इसिजि, छातिको एक्सरे, पेटको एक्सरे, यूरिन रुटिन लगायतका जाँचहरु पर्नेछन् । यो प्याकेज पनि भदौ १० गतेदेखि भदौ ३१ गतेसम्म कार्यान्वयनमा रहने अस्पतालले जनाएको छ ।
