अत्तरिया, २६ फागुन : अछामको मंगलसेन नगरपालिका–८, ओलिगाउँ सुतुडा मा माटो खन्ने क्रममा ढिस्को खस्दा दुई महिलाको निधन भएको छ।
सोमबार दिउँसो स्थानीय रातिमाटे भन्ने ठाउँमा माटो निकाल्ने क्रममा अचानक माथि माटोको ढिस्को खस्दा उनीहरू पुरिएको घटनास्थलमा रहेका स्वास्थ्यकर्मी पुष्प बोहराले जानकारी दिए।
मृत्यु हुनेमा स्थानीय देउरुपा बोहरा र विनिता बोहरा (अन्दाजी ३०–३५ वर्ष) रहेका छन् । उनीहरु जेठानी देउरानी रहेको जनाएको छ । घटनापछि स्थानीयबासी उद्दार कार्यमा जुटेका छन् भने प्रहरीलाई पनि खबर गरिएको छ।
चैते दशैंको समयमा घर लिपपोत गर्नका लागि सो क्षेत्रका महिलाहरू नियमित रूपमा रातो माटो खन्न जाने गरेका थिए।