अत्तरिया, ७ साउन : कैलालीको गोदावरी नगरपालिका–४ बुढीतोला नजिकै रहेको सेल्फीडाँडामा वृक्षारोपण गरिएको छ । पर्यटकीयस्थलको रुपमा विकास गर्ने उदेश्यका साथ वृक्षरोपण गरिएको हो ।
सेल्फीडाँडाको रुपमा परिचित ठाउँमा प्रदेशस्तरकै नमूना पार्क निर्माण गर्न गोदावरी नगरपालिका, सेती सामुदायिक वन र बालग्रीस ट्रेडिङ् प्रालिसंगको सहकार्यमा आँप, लिची, अम्बा, सयपत्री, गुल्मोहर लगायतका फूल तथा बोट बिरुवा रोपिएका छन ।
बुधबार बृक्षारोपण कार्यक्रममा गोदावरी नगरपालिकाका नगर प्रमुख बिरेन्द्र भट्टले तराई र पहाडको समिपमा रहेको सेल्फीडाडाँलाई प्रदेशस्तरकै पार्कको स्वरुपमा डिपिआर अनुसार अगाडि बढाउदै लैजादै गर्दा पछिल्लो समयमा यस पार्कमा फलफूलसँगै सयौँ बोटबिरुवा वृक्षारोपण गरेको बताए । गोदावरी नगरपालिकाले प्लाष्टिक प्रयोगमा निषेध गर्दैगर्दा आउदै गरेको चाँडपर्वलाई मध्यनजर गर्दै सार्वजनिक स्थल, वडा कार्यालय, मठ मन्दिर, अत्तरिया– धनगढी ६ लेन सडक खण्ड लगायत क्षेत्रमा १५ –२० बजार बढी सयपत्री फूलका बोट बिरुवा रोपेको नगर प्रमुख भट्टले बताए । साथै उत्पादिक फुलहरु सहुलियत दरमा जनताले फूलमाला पाउनेमा आफू विश्वस्त गरेको समेत उनले बताए ।
भिमदत्त राजमार्ग अन्तरगत गोदावरी पुलबाट सवारीमार्फत करिब १५ मिनेटको दुरीमा पर्ने सेल्फीडाँडामा पार्क निर्माण भएमा पर्यटकको संख्या समेत वृद्धी हुने नगरपालिकाको विश्वास लिएको छ । यस्तै सेल्फीडाँडालाई पर्यटकीय बनाउनमा अहोरात्र खटिएका युवा व्यावसायी हरिदत्त भट्टराईका अनुसार सेती सामुदायिक वन र बालग्रीस ट्रेडिङ् प्रा.लि मिलेर स्थानीय सरकार, संघीय सरकार, सामुदायिक वन र स्थानीय जनतासँग सहकार्य गर्दै थोरै मात्रमा सेयर लागत गरी चारैतिर तारबार गरेको तराईको गर्मी छल्ल आन्तरिक पर्यटनको गनब्य बनाउनका लागि अहिले सम्म २० हजार बढी बोटबिरुवाको बृक्षारोपण गरेको छ सेल्फी डाडाँलाई पर्यटन सँगै यस क्षेत्रका जनताको जीविका पार्जनमा सहयोग पुगोस र घुम्न आउने आन्तरिक र बाह्य पर्यटकलाई मनमोहक पार्न आगामी दिनमा अन्य विभिन्न कार्यक्रम रहेको जनाएको छ ।
सम्बन्धित पाेस्टहरु