अत्तरिया । गोदावरी नगरपालिका नगर स्तरीय १६ औं राष्ट्रपती रनिङ् शिल्ड प्रतियोगिताको विजेता अत्तरियामा रहेक दुर्गा लक्ष्मी नमूना माध्यमिक विद्यालय भएको छ । मंसिर १६ गते देखी सञ्चालन भएको रनिङ शिल्ड प्रतियोगिता बिहीबार सम्पन्न भएको थियो।
विजेता भएको दुर्गालक्ष्मी नमूना माध्यमिक विद्यालयले १८ स्वर्ण, रजत १३ र २२ कास्य हासिल गरी प्रथम भएको हो। यस्तै दृतिय स्थानमा तेघरीको सैनिक आवासीय महाविद्यालय भएको छ। सैनिक आवासीय महाविद्यालय स्वर्ण १२ , रजत १५ र २० कास्य हासिल गरी दृतीय भएको हो ।
यस्तै ९ स्वर्ण , ४ रजत र ३ कास्य हासिल गरी जमुनानगरको दुर्गा भवानी मा विले तृतीय स्थान हासिल गरेको छ भने चौथो स्थान हासिल गरेको बडेहाको शैलेश्वरी माध्यमिक विद्यालयले ४स्वर्ण,४ रजत र ३ कास्य जितेको छ ।
प्रतियोगितामा नगर भित्रका ४३ विद्यालय सहभागी भएका थियो। रनिङ् शिल्ड प्रतियोगिता अत्तरियामा रहेको दुर्गा लक्ष्मी नमूना माध्यमिक विद्यालयमा भएको थियो।