अत्तरिया : जिल्ला अदालत कैलालीको फैसलाअनुसार कैद सजाय तथा जरिवाना ठहर भई फरार रहेका दुई जना प्रतिवादी पक्राउ परेका छन्।
पक्राउ पर्नेमा घोडाघोडी नगरपालिका–३ का ३४ वर्षीय बुधराम थारु र वडा नम्बर ५ का ३० वर्षीय प्रदिप कुमार चौधरी रहेका छन्।
सवारी ज्यान मुद्दामा थारुलाई ६ महिना कैद र २ हजार रुपैयाँ जरिवाना तोकिएको थियो भने बैंकिङ कसुर मुद्दामा चौधरीलाई ५ दिन कैद र ४ लाख रुपैयाँ जरिवाना ठहर भएको थियो।
उनीहरूलाई इलाका प्रहरी कार्यालय सुखड, कैलालीबाट खटिएको प्रहरी टोलीले बिहीबार आफ्नै घर ठेगानाबाट पक्राउ गरेको हो।