डोटी। आइतबार दिउँसो डोटीको बोगटान फुड्सिल गाउँपालिकामा भएको जीप दुर्घटनामा परी घाइते भएकी एक महिलाको मृत्यु भएको छ ।
प्रहरीका अनुसार बोगटान फुड्सिल गाउँपालिका ३, मेल्टाकी ६६ बर्षीया जुनादेवी साउँदको सेती प्रादेशिक अस्पतालमा उपचारका क्रममा मृत्यु भएको हो । दुर्घटनामा जनाको टाउको, दुवै खुट्टा र छातीमा चोट लागेको थियो।
उनलाई उपचारका लागि करीब ७ : ३० बजे अस्पताल पुर्याइएकोमा डाक्टरले चेकजाँच गर्दा ८ बजेतिर मृत घोषणा गरेका हुन् । बोगटानबाट दिपायलतर्फ आइरहेको सु.प.प्र. ०३ ००१ च ००१४ नं. को बोलेरो जीप धौलाबस्ती भन्ने ठाउँमा दुर्घटना चार जना घाइते भएका थिए। घाइते तीन जनाको उपचार भइरहेको प्रहरीले जनाएको छ।
