अत्तरिया : कैलालीको गोदावरी नगरपालिका–५ ३३ वर्षीय युवा व्यवसायी ओमप्रकाश भट्टको कञ्चनपुरको गुलरिया क्षेत्रमा भएको मोटरसाइकल दुर्घटनामा निधन भएको छ । उनी कञ्चनपुर कृष्णपुर–७ का बासीन्दा हुन ।
आईतबार महेन्द्र राजमार्ग अन्तरगत कञ्चनपुरको कृष्णपुर नगरपालिका–५ गुलरीया क्षेत्रमा भएको सडक दुर्घटनामाउनको मृत्यु भएको हो ।
अत्तरियाबाट पश्चिमतर्फ गइरहेको भट्टले चलाएको सुप प्र ०१–०१० प ५११० मोटरसाइकल सडकमा डोर्याइएको पाडोसँग ठोक्किएर विपरीत दिसाबाट आइरहेको सुप प्र ०१–००१ च ४३४७ को स्कारपियोमा ठोक्किएको थियो ।
सोक्रममा गम्भीर घाइते भएका भट्टको उपचारकाक्रममा मृत्यु भएको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरियाले जनाएको छ ।
प्रहरीले पाडोधनी कृष्णपुर– १ श्रीपुर बस्ने गाजीराम सार्की र स्कारपियो चालक गोदावरी–१ का सुवास चौधरीलाई नियन्त्रणमा लिएर थप अनुसन्धान भइरहेको प्रहरीले जनाएको छ ।
अत्तरिया धनगढी सडकखण्डमा एल्युमिनियम व्यवसाय सञ्चालन गर्दै आएका भट्ट स्थानीयस्तरमा सफल तथा परिचित व्यवसायीका रूपमा चिनिन्थे।
उनको असामयिक निधनले परिवार, आफन्त, व्यवसायिक क्षेत्र तथा शुभेच्छुकहरूलाई स्तब्ध बनाएको छ।